☀ 🌴الغــَربــــَــال جزء ١🌴☀
اللَّه يا كَــــريم بالعــزّا تتجـَـــــلْ
سبٌَحـــلك الكون رعدُو وسحَابــُو
🌾🌾🌾
الصــلاة عليـــك يابدر الكامـــــلْ
صلّــــو علحبيب هو واصحابـــوا
🌾🌾🌾
غــــــربل ياغربال غـربل واتمهّــل
وضّــــح النفيس أنفــض اترابـُــو
🌾🌾🌾
بيــــِّن ياغربال ذهـبو تحت رْمــلْ
امعـيرْ صافي معروف انسابـُــــوا
🎋🎋🎋
أعطـــــيني ميزان الوقت أتحـوّل
سُبـحانو باني الدَّهر وقلابــــُــــو
🌾🌾🌾
الدُّنـــــيا بندير مولاه ايطبــَّـــــل
والرقاصا اكثير عنها ماغابــُــــــو
🌾🌾🌾
ماتـَــعرف انـثا ماتعرف راجـــــل
حاكـــِمهم مهبول هو او قصَّابـُـو
🌾🌾🌾
هَـــاذا ساهي ذا بحـالو يتحلـحـل
لا من لاهي بيه ضيـَّع شبـابـــُــــو
🌾🌾🌾
انطـــقلي او قال ذا السـوق ايهبل
غربالك مسكين اتوسع اثقـابـــــوا
🌾🌾🌾
قتــلو يا غـــربال اتكلم يا عاقـــل
زلزل هاذ الناس لي قاع أصعابــوا
🌾🌾🌾
أنــتــا مــــلبطال ماتحمل الـــــذل
والقالط منهم يرجع لصوابـــــــــو
🌾🌾🌾
غربـــلها اجمــــيع خليها تشعـــــل
الرِّيـش ايذا طال يلزم تقصابـُــــو
🌾🌾🌾
ابـْـــــدَأ بالتَّاريخ عنُّو مـَّاتغفــــــَـل
واعطينا ومضات صفحات كتــابُـو
🌾🌾🌾
سِيَــاسه والمــال قي عـنهم سـَـوّل
الكاسب مِّلـيار والنـاس اتهابــــُـــو
🌾🌾🌾
ما تنــسَا إمــــام والمِــير امقابـــل
ماتنسا أديب شاعر اعقــابـــــــُــو
🌾🌾🌾
مِّــــن بعــد السَّلام احكا مِّتـأمـــل
كل واحد منهم نعطيك احسـابـُـو
🌾🌾🌾
انظـــر للتَّاريخ في صفحاتو طُـــل
اقرا في التراث تعرف اشعابــــــو
🌾🌾🌾
تاريــــخ الأجداد بشعَـاعو يشعـــل
امخضَّب بالدم تعرف أنسابـــُــــوا
🌾🌾🌾
سَــــاكن فِـــلقلوب عنُّو مانغفــــــل
ماتنساه فرانسا بالدَّهر اتهابـُـــــــو
🌾🌾🌾
اللي يــــزور فيه ميـِّت ومغســَـــل
حاشاكم احمار قَطّاعْ ارقابــُــــــــو
🌾🌾🌾
هاذا خَـــاين عهد واكتابو هامـــــل
هاذا مثل الذِّيب طاحت أنيابـــــوا
🌾🌾🌾
مــــُولا مـَّنصب راه عشّا يسترجـل
والكُّرسي لو طال ينزل رَكّابـــــــــو
🌾🌾🌾
وعـــد الحق ايجيه ملكو يتزلــــزَل
راه ايجيه انهار وِيشُوف اعذابــُـــو
🌾🌾🌾
كـــُل واحد ظلوم لابد يتحـــــــَوَّل
يستخلا ينفوه أهلوا واقرابـــــُـــوا
🌾🌾🌾
مافكـــــَّر ليتام واعجايز كـُهَّـــــــل
مافكَّر فمريض هالك بعطابــــــُـــو
🌾🌾🌾
يصـــبح ذا البزناس ايشاور مقـاول
والقبر ايناديه مفتوح أبوابـــــُـــــو
🌾🌾🌾
والبطــــــَانا اتزيد تلثم واتقبّــَـــــل
يتفاخر ويزيد يلحس اكلابــــُـــــو
🌾🌾🌾
دعـــــوة المظلوم لابــُـــــدّا تــــنزل
واليَّـابس مل العرف يلقا حطـابـُــو
🌾🌾🌾
نستــعجب إيمام بالدِّين امجَــــمل
يتفاخر ويزيد ينظر لجنابــــُـــــــوا
🌾🌾🌾
آيَّــــات القرآن راها تهد اجــبــَــــل
واعــسلها زلال يروي شرّابــــُــــــو
🌾🌾🌾
كيــفاش الحــــرام يفتي وايحلَّــل
غــدوا عند الله تعرف جوابــُـــــــو
🌾🌾🌾
يا ظــَـالم مُــولاك بالعزّا يتجَّـــــــل
سبَّحـلُو ذا الكَّون رعدو وسـحابُــو
🌾🌾🌾
حـَـكّم يا مِســــكين قرآن امنــــَزِّل
خيـرُ الخطائين هــُومَامِّن تابــُــــوا
🌾🌾🌾
غربــَـلت الكُتّاب وانا نتأمـــَّــــــــل
وانعيَّط مجرُوح عنهم كي سَابـُـوا
🌾🌾🌾
هاذ خـــــَلق اكثير أعـمى وامكحَّــل
منهم الأمير فارس بركابــــــُــــــــو
🌾🌾🌾
منـــهم لــِـبعير صنفتو مل الْبــِــــلْ
أجرب ولقطران امطيِّح ركّابـــُّـــــو
🌾🌾🌾
يِتمــرمد مِّسكين واكلامو مِّـــــردل
يـبني فلقيفار تدِّيه اشعابـــُــــــــوا
🌾🌾🌾
مـِّــنهم الأصيل مِّل لبعاد ايطــُـــــل
كل واحد معروف أهلو واقطابـــُـوا
🌾🌾🌾
مِّـــنهم فارس زين مِّنهم مترجـــــل
مِّنهم ميِّت حَي كثرو نُدّابـُــــــــــوا
🌾🌾🌾
ننــــظر فلغربال اتقطع واتبهــــــدِّل
هلكني مِّسكين دموعو كي رابــُـــوا
🌾🌾🌾
أنايــا غِربال نـــــشتي نتغـــَـــــــزَّل
زاد اعليا هـــم وجنابي طابــَــــــوا
🌾🌾🌾
الدنيــا للخلق كي سجن امســـَّركـل
واحـــِد متبسِّم لاخُــــر فاعذابـُــــو
🌾🌾🌾
انا خشـبه مْعوْجَا بحْديد امصَلِصَـل
زلزال الحياة هاجم بخرابـــُـــــــــو
🌾🌾🌾
نخــتم بالصلاة ونزيد انكمـــَّـــــــل
انصلِّي علـلحبيب هو واصحابــُـــوا
🌾🌾🎋
والشــَّاعر بـُونيــف ساكن فــلهامــل
يطلب من مولاه اضَاعف مِّكتـابـُــو
🌾🌾🌾
صلُّو عــلحبيب في يوم المَّــحفــل
صلـو عـــالـرسـُول آلو واصـحَابــُـوا
🌷🌷🌷
ب/💥الشاعر محمد السبتي💥
