الفين ثلاثة وعشرين 2023
××××××××+×××××××××××
جت سنين ………….وراحت سنين
وأخر ديسمبر………….ثلاثة وعشرين
وأحنا فى حبك……… تهنا وحيرانين
وتعبنا وتاهت………. دروبنا وصابرين
والبعد عنك ………شجن مع الحنين
غلبِنا الشوق…… وغلبَنا آهات الأننين
والسهم منك بيصيب….. قلب الوتين
وأنا والشوق بالحب …منك عاشقين
وأسمك ده لحن….. نغم صوته حزين
والسما بتضوى….. نور مع الحيرانين
والشمس بتدفى…. قلوب المشتاقين
والصبر لفراقك.. أمره صعب ومشين
وعيونك الحلوة…. واحة ف البساتين
ولمسة أيدك……. بلسم من الياسمين
وأنفاسك شموع بتحرق نار الحالمين
فالقائك فجر….. مكتوب على الجبين
فيا قاتلى بخنجر……… ظلم الظالمين
أرفق لنا وأنصر….. دموع المسكوبين
تروى شوقا ….آنين وعطش السنين
جت سنين………………. وراحت سنين
وأخر ديسمبر…………..ثلاثة وعشرين
وأحنا لسة ع………… الحب محافظين
أديب وشاعر مهندس /محمد عوض
22/12/2023
