المبدع و صاحب الصوت القريب وسام عيدو ضيف برنامج #مبدع_ولكن؟! لكي نبحر في سماء الفن والموسيقى ونقتات الحب من الكلمات والأغاني أهلاً وسهلاً
من هو وسام عيدو؟
انا من محافظة ادلب ولدت في دمشق عمري 25 سنة و بدرس اقتصاد سنة رابعة
ما هي العلاقة بين وسام والفن؟
الفن بالنسبة الي مصدر راحة و ملاذ لأنو دائما رسالة الموسيقا هي السلام و نحنا كتير بحاجة هالسلام
ما هي اهم أعمال وسام؟
أهم الأعمال cover لأغنية كرمال الحب بيعنيلي كتير هالشي لانو انصنع بٍحُب و تعاون كبير
لماذا يغني وسام و ما هي رسالته؟
بغنّي لأنو بحب هالشي و بحب من خلال الغناء وصّل رسالة هيي انو قد ما كانت الظروف قاسية و مريرة فهيي ما بتشبهنا و حُبنا للحياة و للسلام أكبر من كل الظروف
الشهرة والفن خطان مترافقان كيف يصف لنا وِسام هاتان الخطان؟
الشهرة وسيلة للهدف مو الهدف نفسو
و الفن ليكون صادق وناجح لازم يكون الهدف منو النجاح و توصيل رسالة و ليس الشهرة
ما الذي ينتظر جمهور وسام؟
بصراحة حالياً بما إني سنة تخرج فالأولوية عم بتكون للدراسة و تطوير نفسي عالصعيد العلمي ريثما اتخرّج
البداية الفنية من أين وكيف تصفها؟
البداية كانت من خلال فرقة أدونيا و تقديم حفلات متنوعة و أعظم شيء يُذكر هو غنائي ع مسرح الأوبرا
مواقع التواصل الاجتماعي وتأثيرها على نجاح وسام؟
مواقع التواصل : أصبحت أساسية و مهمة ل أي مجال بالحياة لذلك ما منقدر نغض نظر عنها و نعتبرها شي ثانوي
كيف يصف لنا وسام الأغنية الشعبية اليوم ؟
الأغنية الشعبية هيي جزء مهم جداً من الفن و تغيير مسارها نحو الهبوط من قبل البعض لا يعني أنو هيي غير مهمة او هذا مقياس لها
وسام مبدع لكن؟!
لكن !!
الدعم بهالمجال و خاصة في هذا الوقت أصبح أمر لا بد منه مع الأخذ بعين الأعتبار كلشي مرق و عم يمرق بالبلد خلال فترة الحرب و ما نتج عنها
قام في الحوار: الصحفي محمد وسوف
