الشاعر رضا ابو شنب
(بيرم المصرى)
قصيدتي الجديدة
(الندل)
الندل لو مرة زارك
إوعاك تعلى في مقامه
لو يعلي أو يبقى جارك
يرجع يحن لمكانه
****************
لو حتي يبقي ابن قارك
اوعاك تصدق كلامه
واقفل ببانك ودارك
وامسك بايدك لجامه
*******************
اوعاك يشاركك فطارك
أو حتى تقبل سلامه
وابعد ايديه عن خضارك
علشان ما يعرف تمامه
*********************
اوعاك يجرب هزارك
واعمل بايدك علامه
لو عدي منها وسابك
يرجع يحس بندامه
*******************
خليه يجرب مرارك
لو مرة خان الامانة
يطلع وينزل في نارك
يرقص ويعمل حمامه
******************
اوعاك تحطه في مكانك
واحفظ بايدك مكانه
لو يوم يفكر وهانك
قوم عليه القيامه
لو يوم يفكر وهانك
قوم عليه القيامه
