امسيات الحسن. . 18/ 6/ 2021
( بدله حلوه ومحفظه)
بقلم الشاعر :حسن حلمى
اه يا بشر متلونين
ومرسومين
فوق الحيطان متزينين
جوه برواز كله زيف
بضحكه
حلوه من العيون الكدابين
ليه وليه نشكى الزمان
واحنا
اللى ادينا الامان
وفى قلوبهم حقد
ساكن
طول سنين
لا و ايه نشكى
بانين
كانه كان صاحب امين
والغرابه انه
بيضحك
كانه ما شافنى حزين
وبيسالونى
تبقى مين
انا الحنين
عشرة سنين
انا اللى
عمره فات وهان
بعد الصبا
يقبلنا مين
بعد ما هانت سنين
ياما طبطبنا
ودوينا
وبايدينا كتير سقينا
وقت ما كنا
عطاشه
كانه يرويلى الوريد
كان صديق
كانه وليد
يحبى دايما من بعيد
يطلب الغالى
البى
لنظر الضحكه بقلبى
وقت ما
كنا صحاب
والايدين متشبكين
نجرى بين
شجرالجناين
والغصون متفرقين
كنا دايما
فرحنين
عمره ما غاب الحنين
بس كبرت
دى العيال
وكله لاصله يبان
باع زمانا
واشترى
بدله حلوه ومحفظه
جوه منها
فلوس كتير
بس فيها اد ايه
ويساوى كام
فيها ضحكه من زمان
ولا قمره
بالمكان
حاضنه فينا دا الحنين
قبل ما
يطلع نهار
ويحلى دايما دا الهزار
شوف كده
بيساوى كام
عمر محفظتك
ما شالت
اد ما شلتك
زمان
اوعى
تنسى اد ايه
جفنى ما نام
ولا جيب
البدله واسع
مخبى ذكرانا بمكان
بيع كمان
واشترى
كل الميدان
لسه نبض
القلب صافى
وضحكتى تملى المكان
مش بقولك
تساوى كام
بدله حلوه ومحفظه
ولا ذكرى من زمان
عد الحروف
بين السطور
واحسب وقولى
يساوى كام
عد الحروف
واد كل حرف
فيهم
هتلاقى معنى للكلام
مش بدله
حلوه ومحفظه
تقدر ترجع
ايام زمان
بقلم الشاعر :حسن حلمى
