بكره تعرفنىي
إنت حد معايابيظهر
إني حبو الأولاني
وإما يبعد عني يظهر
إنو شاغلو حب تاني
حاسه ليه بيخدعنى قربك
وإني بتهان من بعادك
ليه إما تبعد عني تبعد
مش بيفرق شئ معاك
كان زمان اليوم فى بعدي
تشكي منو الشوق ملاك
شوق ونارو فيك تجيبك
كنت مش قد البعاد
تيجي تجري عشان تسيبك
إيه اللي جد جديد معاك
من يومين وبعادي عادي
قربي جنبك ذى بعادي
كل دا ماكانش بيحصل
ولا حاسه بإنو عادي
إيه اللى بيشغل عني بالك
إيه اللى سارح فيه و إيجالك
إنت مش شايف إيه بياخدك
ولا مش واخد فى بالك
اللي عندي ليك شاغلني
واللي عندك ليا غايب
كلي بيسأل فيا عنك
ولسه عنك بحثى جاري
الظروف منك بريئه
وفشكوكي كمان بعيده
واللي حساه جوا فيا
أقوى ما تكون الحقيقه
كل كدبة وراها باب
بس سادو بالطريقه
والمفاجآه كلو بانلي
من عيونك الحقيقة
قايله عنك إيه مخبي
من عمايلك و مداريها
جانى إحساس كل خطوة
ولحظه عني بعدت فيها
والحقيقه باقيلها خطوة
والشكوك منك قريبه
روحت فين ومين معاك
لو في حد حكالي عنك
كنت أقول بيكدب عليا
لو عنيا شافت خيانتك
كنت أكدب شوف عنيا
بس إحساسي اللى عشتو
أقوى من احساسي بيا
مش مهم تروح وتبعد
إنت هاتروح منى فين
مهما ياخدك عشق مني
بكره ترجعلي وحزين
لما تعرف فرق حبي
من اللي ضحكت لك يومين
بكره بحر العشق يخلص
آخرو بس معاك يومين
وأما أشوفك وإنت راجع
هاأجري أقابلك كنت فين
هأبقى أجاوب نفسي عنك
كنت بعرف انتى مين…..
على دياب محمد على
عاميه مصريه
