بيسألونى
كلمات/أيمن البكري
بيسألونى
لو جاتلك فرصه تكتب
هتكتب عن إيه
هاتولى ورقه وقلم
هكتب عن حاجات كتير
هكتب عن إل إتظلم
وإل إتعدم من الضمير
هكتب عن الأيام
وهكتب عن الأحلام
عن ناس بتدوس على إل بيحبها
وإل يبيع ويغشها
بيعملوله مقام
هكتب عن ناس عايشه
فى الدنيا على الهامش
لا لاقيه لقمه ولا حيطان تداريها
على طول قلقانه وخايفه
مفيش يوم عدى كان شامس
ولو مرضت مين إل يداويها
هكتب عن قلوب مليانه
غدر وغش وخيانه
فى ثانيه باعوا العشره
كنت فاكرهم دهب غالى
طلعوا فلصوا وقشره
فى زمانا قلة الأصل
كتيره وقوى ومنتشره
نفوس غبيه وضاله
ونفوس تانيه منكسره
وحاسه بضعف وإهانه
هكتب عن ناس
إتعدمت من الإحساس
وإل بيعلوا فى الكداب
ويكبروا إل مالهش أساس
وهى الدنيا دى تتعاش
الشرف بقا ببلاش
ياما كتير مشى فى سكة الشيطان
نسي إنه فى الأخر إنسان
فيهم إل رجع ندمان
وفيهم إل راح ومجاش
