توبه
٠٠٠٠٠٠
ياأجمل كدبة جرحت قلب
ياأجمل نسمة عزفت حب
وحياة كل الزكريات
وحياة كل الأهات
ونبض الحس اللي مات
تاني مايدق القلب للحب
من بعيد او من قرب
وأقول واعيد واحتج وازيد
ياللي كنتي ساكنه ف الوريد
انتي اللي جارحه القلب
توبه
همسك ملاك وحسك كروان
وقربك هلاك وبعدك احزان
يا نبض قلبي يا ابن الزمان
ياحس عمري يا أرض الحنان
ازاي اهون اه وازاي تكون
نقطة ضعف وحيرة وحرمان
لا والف لا يا زارعة نبت الاه
ياعصفورة القلب وقساة
مش هاصدق تاني التغريد
واقول واعيد واحتج وازيد
ياللي كنتي ساكنة الوريد
انتي اللي جارحه القلب
توبه
ياليل ياليل ياليلي
بارك ل قلب طيري
رفرف على عش غيري
وهاجرت الحيرة ومواويلي
وقلبي اداوى من همسها
من ملامح حسها وهمها
من دمعة كدبتها
اللي ف منديلي
ياليل ياليل ياليلي
قولها ابدا اه ابدا الغيرة
لا يمكن تعرف طريقي
ياليل ياليل ياليلي
وانا اكتب اقول واعيد وازيد
ياللي كنتي ساكنه ف الوريد
انتي اللي جارحه القلب
توبه
بقلم على عبدالرحيم محمد
