حبيبي يا رسول الله ❤️
أيمن البكري………………
فى يوم مولده
الدنيا فتحت عنيها
والأرض كانت سعيده
انه هيعيش عليها
وملايكه بتستقبله بنور
والسما مليانه فرح وسرور
اتولد يتيم
ربنا قاله انك على خلق عظيم
فى ذكري ميلاده
صلى وسلم على الرسول
لو حاولت أوصف نبينا
هتوه مني الحروف
وهتنتهي كل الوصوف
مهما شافت عنيك
زي رسولنا
مستحيل أبداً تشوف
إللي نشر الرساله
بكل صدق وحب وأمانه
وفى أصعب ظروف
نشر الاسلام ووصلنا الرساله
والاسلام هو دين العداله
وفى القرأن أي حاجه تفكر فيها
أي حاجه تسأل عليها هتلاقيها
هو دين الرحمه والسماح والكفاله
ويجئ واحد من الحساله
ويتكلم عن رسولنا
نبينا خط أحمر
خط أحمر ذى دينا
عليك الصلاة والسلام
ياخاتم الأنبياء ياخير الأنام
أنا مهما اتكلمت عنك
مش هقدر أوصف
وهيخلص فيك الكلام
مهما كنت عاصي أو حتى ناسي
وواخداك الحياه
لو سمعت كلمه عن نبينا ب أي سوء
بتحس جواك ب ألف أه
بتلاقي نفسك بتقول لا إلا داه
حبيبي يا رسول الله ❤️
