…. حلم بعيد ….
سألت عن الحب
قالوا حلم بعيد
شمس تنور دنيانا
وساعات وعيد
لحظة فرح وسعاده
ولحظه بكا وتنهيد
الكل فيه اختلف
وكل يوم جديد
قالوا الحب مدرسة
قولت انا التلميذ
قالولى وصف الحب
رديت وقولت لذيذ
حبيب قلبي انا
ده الغالي العزيز
كلامه لقلبي امر
وواجب التنفيذ
دخلت باب الهوى
وبقيت انا الاستاذ
وقلبي منه انكوى
بعد مكان فولاذ
قلبي لقي حبيبه
وده كان إعجاز
يا بياعين الهوى
الحب محتاج إنقاذ
عشقت ياناس قمر
نورلي لياليه
مد ايديه ونده مديت
انا إيديه
قالي بحبك ياعمري
بكل حنية
رديت بعشق هواك
يا كل ما ليه
عشت معاه جنتي
وكل أحلامي
أشوف الفرح بعيونه
تضحكلي أيامي
وانسي معاه الحزن
وتطيب الامي
ده هو الامل والعشق
وفارس أحلامي
لما يبتسم أقول
الليلة عيد
ولما أشوف طلته
نار قلبي تقيد
ولما يقولي بحبك
أقوله تاني زيد
ياللي ملكت القلب
وبتجري ف الوريد
خلي حياتي غنى
فرح وزغاريد
خدني هواه لعالم
تاني كله جديد
كله حب وهيام
وحبه فيه بيقيد
شمعة سنيني الجاية
وده عشقي الوحيد
الشاعرة
ايمان عبدالله والى
