حياتنا
بقى هي دي حياتنا
ازاي تتعاش بخوف
بنتوه حتى ف كلامنا
بندور ع الحروف
عايشينها ومش عايشين
سرقتنا في احلى سنين
العمر فى غمضة عين
عدى من غير م نشوف
ترفعنا لفوق تسيبنا
ننزل من غير ملامح
بنعيش احنا ونصيبنا
دنيا والكل سارح
ظلمانا ولا ظلمنا
احترنا حتى ف شعورنا
احساسنا بقى كله واحد
مجروح او حتى جارح
رسمنا طريق لحياتنا
رسمنا بدون ألوان
تاهت بينا أيامنا
لاطريق ولاعنوان
نمشي خلاص المشوار
مبقاش فيه اختيار
أحلامنا وسط النار
ازاي نطفي الدخان
شاعر الأغنية
علاء الخولى
