… خيط الندم ..
لا تغفه ..
يا جفني عله الطعنات..
لا تغفه ..
جرح فوگ الجرح ..
واليطعن اتعرفه ..
لا خيط الندم..
شل الجرح ويطيب..
ولا حته..
الوصف للموقف يوصفه..
شلنه اطيوفهم بجفون راحه اسنين..
جازونه بغدر..
وعيونهم صلفه ..
لا غزر ملحهه..
الدمعه من اتطيح..
عليهم والدمع لمن يگع كلفه..
صفيت بهل امر محتار..
لا بيدي ابتعد ..
لا للهجر صرفه ..
يمر الليل بيه والونين يزيد. .
يخبط ليلي فكري وادري ما يصفه..
مگالب.
لا كتر يرتاح من اندار. .
ولا تسكن اجروحي ..
وتسكت الرجفه ..
ويخلص ليل عمري بلسهر والاوف..
يبس جفني ..
واشوف اجفونهم ترفه..
واصبر والخلگ..
كل يوم بيه يطول..
واشد جرح بجرح حد ..
ما وگف نزفه ..
واعطش ..
طيفهم لو ما يمرني بيوم..
وانطر ماي شطهم ..
لو عله لجرفه ..
ولم ضحكه .. ودمع ..
للملگه من اشتاگ..
وبصدري الطعن..
ما جاني بالمگفه ..
عقيل النجار
الشكر الجزيل الكبير ابو احمد الكناني وادارة صحيفة نحو الشروق لنشر قصيدتي