أمسيات الحسن. 2/ 8/ 2023
( دقة قلب عصفورة )
بقلم الشاعر: حسن حلمى
ما بين عشمي
وبين نفسك
يادوب اخترت
انفاسك
ولا همك
ولو قولنا
الوداد بينا
ده كان حلمك
تقول سيبك
من الذكرى
وعيش بكره
ومين فينا
بيحسبها
يعيش ثانيه
ده بكره
لسه حلمه
بعيد
واخاف منك
تتهوه مابين
اهات ووعيد
يفوت سنك
ولا تلاقى
حبيب جنبك
يشيل همك
وترجع تانى
للذكرى
وتتندم
على العشرة
وعلى الأيام
وعلى بكره
اللى كان
حلمك
وعدى قوام
وانا واقف
بدق بيبان
بوزع بسمة
للمشتاق
بكل مكان
ولا فارقة
يطول العمر
أو يقصر
كفاية
الذكرى
دى حلوه
بصورة ضحكة بتنور
بدقة قلب
عصفورة
ما بين شجرة
وبتسلم
تقول فينك
بتوحشنا
وبتزقزق تهز جناح
وكان بطيفها
تحضني
وبتلملم بقايا جراح
ما انا العشمان
بقلم الشاعر: حسن حلمى
