(((دنيا طاحونه )))
يا دنيا عامله ليه زى الطاحونه
حطانا تحت حجرك وبتهرسينا
أغرفى بحفانك مننا على قد عزمك
حطينا فى وش الهوا وطيرينا
الناس عندك أشكال حبه وحبه
حبه خشنه تعصى عليكى بتعدى منك
وحبه ناعمه بتكسريها وتدشيشيها
ألف حته وتبحتريها ف كل ركن
كومى فينا ورصصينامره تانيه
تحت حجرك ودوسى كمان لفه علينا
طاحونه قاسيه وحجرها داير
مرحمتش منا حب البشاير
الكل عندك هذيل ومايل
وبتكسرى خاطر اللى عدى وعوده فاير
يا دنيا لف حجرك وبشويش علينا
أحنا أنفرمنا تحت حجرك لما أستوينا
الكل ماشى بعكاز مكسح
لاقادر يقوم ولاعارف يفسح
شق صدره وفى هدومه قاعد يفسخ
زمن الضعيف يفضل ملقح
ع أى جنب مستنى السماح
عصافير تشقشق وأزهار تفتح
نفسه حبه قبل الرحيل يعيش مأنتخ
كلمات/محمودصلاح السيد
10/8/2018
