روان
٠٠٠٠٠
للوهم بكتب جواب
للخيال بكتب عتاب
للعذاب بعشق العذاب
جواب
اكتب ايه واقول ايه
علي بنت الايه ليه
حبها جنون مش قادر اداريه
ليه ليه
انتي ف القلب ساكنة انتي
صديقة وحبيبة وعنيده انتي
وف بحرك وف سحرك
بقدف اه و غرقانه سفينتي
ليه بعيده وغريبه انتي
ليه ليه ليه
يا احباب افتحوا الأبواب
حبنا مطر اه مش ضباب
واللى جمعنا القدر
اه مش السراب
ليه مقفولة الأبواب
ليه ليه ليه
شايفك وانتي بتحكي عني
ل شقيقة روحك
سامعك وانتي بتقولي اني
انا بذرة ألمك وجروحك
وحياة اللي بين الزهور زرعك
وحياة اللي من العطور صنعك
الوجع وجعي انا من عشقي انا
تعالي شوفي الحيرة بين حروفي
و الرعشة اللي ف حضن كفوفي
و الدقة اللي حست بيكي
هي اللي تايها ف لياليكي
وهي حيرتي وغيرتي اه وخوفي
و بتسال السحاب على قمرك
الألم المي انا مش ألمك
يا احباب افتحوا الأبواب
حبنا مطر اه مش ضباب
واللى جمعنا القدر مش السراب
ليه مقفولة الأبواب
ليه ليه ليه
روان
كلمات على عبدالرحيم محمد
