سلامي
كنت فاكرك يوم ملاكي
طلعت وهمي تهيؤاتي
واتخدعت فيك كثير
وانت من جواك هلاكي
كان لي جرح معاك يوماتي
بت بدمع كتير ليلاتي
روحت معاك لحد فين
لما كرهت معاك حياتي
كل تعبي منك إيجا
بكل خنقه وكل ضيقه
ما افتكرتش مره منك
يوم فرحت فيه دقيقه
مت معاك ب 100 طريقه
وسط بحور ضلمه وغريقه
شوفت امواج مر وهلاك
غامقه واسود من عميقها
دوقت بيك اصعب آلامى
قلت الآه اكثر كلامي
لما اخلص صبري فيك
جبت اخري معاك سلامى
