سندريلا
٠٠٠٠٠
بكتب ب العامية المصرية
انا مصري وبعشق مغربية
انا انسي وهي جنية
انا انسي وهي حورية
انا رومنسي وهي شقية
سندريلا
حببتي عشان اكتب رومنسي
لازم ف طريق روحك امشي
سفينتي عشان على برك ارسي
لازم اكون غريق بجنون عشيق
وترميني الظنون ف غرامك الحريق
و ياخدني الطريق ل سحرك ل بحرك
واكتب على نجمك ألف وألف بحبك
ألاقي شمسك بتنام ف حضن عنيا
ألاقي همسك بيصحي كل نبض فيا
واتوه واحتار ف عشقك النار وتحتار لياليا
انا رومنسي وهي شقية
بكتب ب العامية المصرية
سندريلا
لا لا يا كل الظنون
احساسي بيها مش جنون
لهفتي عليها مش بتخون
بدي اعرف ليه ف عنيها
الليل والنهار والويل ونار الكون
بدي اعرف ليه حسيتها ليه حبيتها
وليه هي نقطة الضعف اللي مابتهون
وليه بتجري ف دمي وفرحي وهمي
بدي اعرف جات منين ب الرقة والحنين
و غلاوتها مغرباني متوهاني ف الليل الحزين
ألف مرة ومرة بسأل روحك عايزة ايه مني
عايزاني اعيش ف غرامك درويش
و لا اعاني ياقتلاني وتنهار الاحاسيس
عايزة ايه مني يا واخدة قلبي مني
ردي عليا انتي انسية ولا جنية
ولا حورية وليه انتي كل حاجه ليا
بكتب ب العامية المصرية
انا مصري وبعشق مغربية
انا انسي وهي حورية
انا رومنسي وهي شقية
سندريلا
بقلم علي عبدالرحيم محمد
