سيبني وحدي
لو في عندك لي كلام عايز تقولو
مش هيرجع اللي كان واللي مات من يومو
سيبني وحدي الله يخليك
سيبني وحدى الله يخليك
سيبني انا وجروحي
ولا راجع ثاني عشان تزود جروحي
مش انت بعدت خلاص وارتحت
مش انت قدرت كمان جرحت
سيبنى أداوى جروحي
مش نسيت ايامنا الحلوه وليلى وشموعو
يا ما اشتقت لك وجراحي منك
كان تطبطب وتواسيني
كان آلامها فيا توجع لما قستني وآديني
كرهت أسمع حتى إسمك ولا سيرتك لما تيجي
روح وسيبنى باللى فيا وإوعى أى كلام تقولو
كنت بسأل روحي دايما اللي قوا فيك عليا
اللي خلاك عني تبعد بالسنين ايه القسوه ديه
كنت فين وسايبني بفنى وبيفنى حبك جوه فيا
جاي تعزي فيه النهارده ولا جاي تعزي فيا
شكر الله سعيك على اللي قتلته فيا
إوعى تنطق ليا كلام من اللى عايز تقولو
وإيه الجديد خلاك تسأل عني صارحني
إيه قواك جابك ليا عشان تصالحني
وايه جواك خلاك تبكي تقول لي سامحني
جاي بتبكي بنار الشوق ولا ذنبك فيا خلص لي
مش هايفيد مع قلبى كلام
بس كفايه كفايه حرام
لسه ماعرفتش بموتو
لو في عندك لي كلام .عايز تقولو
مش هيرجع اللي كان واللي مات من يومو …
عاميه مصريه. .على دياب . من ديوانى بالحلال
