شلوت ياكف
عالخلق داير
واقفين له صف
ياصاحب عادى
مش إنت وحدك
دايق فيه بس .
طب انت دارى
سامع و شايف
ودايرها داير
وواخدها لف .
تشيل وترمى
تاخد و تدى
تودى فوق
وترمى تحت.
وعجيبة ام العجايب
بنشوف منها العجايب
ومش إنت لوحدك فيها
وأخدت منها كف
إوعاك تببكى عينك
إياك عقلك يسيبك
إوعاك عقلك يخف
شيء عادي اما الدنيا تصاحبك
وتفارقك تاخد شلوت
ياما ضحكت ليك
ولغيرك رقصت
غنت لعبت لعبةموت
وفي وسط اللعب عليه إتقلبت
خد 100شلوت
مش إنت بس
ياما فيها وياما فيها
وإتدق عالراس طبول
لو قلنا نحكى فيها
عايزين قوال يقول
ياما عشنا وشوفنا فيها
شلاليتها كانت النقاوه
ذلت فراعين شقاوه
بكت أتخن مافيها
وإترمى من فوق لتحت
رزعتو شلوت وكف
ياما هدت فيها شناب
وإ تكسرت في رقاب
ونصاص بانت وقامت
وإتعملت ليها حساب
هلافيت وبقالها قيمه
و قامات صبحت لاقيمه
وكتير من دا ومن دا
مرجيحة و دايرة بينا
وتعبنا فيها لف
ياما علت فيها واطى
وإتهد العالي في واطي
ورخيص بقى سعرو يغلا
وماحطش فيها واطى
ومحدش فيها عاجبو
والدنيا لفاه لف
مراجيح والسيرك ناصب
ولا حد ليها صاحب
ولا حد بيجرى طالها
ومحدش صاحبو بخت
شيء عادي إما الدنيا تحبك
وتحط لصورتك برواز
وتغشك إن إنت بطلها
فى نظرها وإنك أستاذ
متعلم دارس فى لغتها
وعاجنها وإنك خباز
مش تحلم إن إنت آخرها
ولا آخر حد هينشاف
الدنيا بتحلى وترقصلو
والآخر حد بينداس
هاتسيبك تضحك مع غيرك
ياما قلبت قبلك على ناس
فى إتعلم فاهم عمايلها
وفى إتآلم ودماغو خف
ياما إيدت فوق وعلت
يا ما داست ولا خلت
ولا ليها عزيز وغالى
ياما هننت ياما زلت
ليه محدش فيها شافك
ليه محدش فيها قاللك
عمال مستغرب ليه
تفكيرك فين وصل بك
ياما فيها وياما فيها
ياما عيشنا وشوفنا فيها
حكايات فيها العجايب
على ناس بقيت تشيب
حلليت فى عنيها حليت
إلفكه فى إيدها عليت
وإديتهم كل حاجه
والبليه معاها جريت
غالطتهم فى الحساب
من غير إنذار عتاب
قلبت كنست ولمت
شلوت وكف
على دياب محمد .عاميه مصريه
