شمس العمر
كلمات / أيمن البكري
شمس العمر بتنادي
إرجعي تاني يابلادي
رجعي الحلم من تاني
حلمي وحلم أولادي
حلمي إللي أنا
عشت أحلم بيه
وعملت انا بحلمي إيه
قتلوه الاعادي قتلوه الاعادي
علشان عايش لازم أحلم
وإللي باقي مني ألملم
كل ما أقول خلاص هانت
ترجع تاني وتغيم
يموت إبن قدام عين أبوه
وأب كان قدوه
قدام ولادوا كسروه
وإم بتبكي من الحسره
ومساجد وكنايس هدوها
وبنت كانت ورده
بكل سذاجه إغتصبوها
دي حكاية سنين عدت
علي ناس بسلاحها إتعدت
علي أطفال وبنات وناس عزل
ولسه الحكايه رايحه بينا لفين
ربنا معاكي يا يا يا يا يا يا
يا يا يا فلسطين
ربنا معاكي يا غزه
يا أرض الكرامه والعزه
علي شهداءك وعلي وجعك
أنا بجد قلبي حزين
ربنا ينصرك علي الخونه
ويشتتهم ليوم الدين
وأعيش وأشوف تدميرهم
صغيرهم وكبيرهم
قولوا معايا يارب أمين
وسلام للمسجد الاقصي
ويا قدس ليكي وحشه
والله يرحم شهدائنا
في كل بلاد المسلمين
ويقوينا علي أعدائنا
في كل وقتا” وحين
شمس العمر بتنادي
إرجعي تاني يابلادي
رجعي الحلم من تاني
حلمي وحلم أولادي
حلمي إللي أنا
عشت أحلم بيه
وعملت أنا بحلمي إيه
قتلوه الاعادي قتلوه الاعادي
