قلم / نبيل عبد الحليم
صوت ضحكتي العالي
دا مخبى مليون اااه
والعقل مني
فى بحر الهموم
أهو تاه
بالضحكه منخبي
وجع السنين والعمر
بالغصب بنسمي
جمر الاهات بالتمر
بالضحكه انا عايش ولهمي بخبي
وربي لوحده عالم مخبي ايه ف قلبي
ومين بيكون شايف
تعبي انا وغلبي
سيبني ياخويا وروح
حياه مليانه جروح
ولو كنت قادرأبوح
ماكان دا بقا حالي
سكوتي مش بايدي
ولا دمعي وتنهيدي
بسكت عشان تمشي
تمشي الحياه والحال
بسكت ومن جوا
فيا ١٠٠ موال
بسكت ومن جوا
مش كل شيء يتقال
بسكت عشان عارف
همي دا مستحيل يتشال
بسكت عشان عارف
همى مالوش مكيال
بسكت عشان نفسي الناس ماتشوفنيش
بسكت وكان نفسي عيني ما تكشفنيش
بسكت ولكن الاااه صعبه ما بتخبيش
رغم الأهات عارفه
الدنيا مارحمتنيش
طول عمرها تاخد
تاخد وما بتديش
الطبع مش طبعي
ولا انا غريب فى حياتي
هموم بتيجي بالكوم شايلها يوماتي
ومين يكون حاسس فى يوم معاناتي
كل الناس بتضحك والضحكه ماليها الغش
لابسه وجوه مش توبها
تتلون بمليون وش
سندت ظهري فى يوم
اتاري الحيطان مايله
فكرت البنا ثابت
طلعت حيطان من قش
توب المحن بيزيد
وحبل الوداد بيكش
لمين أشكيكي يادنيا
شكوايا لربي وبس
بقلمي
نبيل عبد الحليم
١٠/٩/٢٠٢١
