صور من الحياة
محمد ضباشه
عضو اتحاد كتاب مصر 🇪🇬
صورة حية زى حية
تلدع الضايعين حياة
صورة بتمرر مرارنا
اللى فوق الصبر تاه
صورة زى الموجة تركب
ع البحور ترفع إله
مش إله لكن فى حضنه
ألف سكة وطوق نجاة
تِفْرِق الموجة بطبلة
لجل تحصد ضل جاه
واللى نايمه غصب عنها
فوق بكاها الغصن شاه
يبقى نجم زى غيره
الإيدين ما تطول سماه
أو يهز فى طول نخيله
اللى ركبوا الموج حفاة
صورة قايمة ع الغنايم
للى متسلطن وعايم
يبنى قلعة للولايم
تبقى ضهر نهار وراه
مش هصرخ فوق صراخى
يا صور عضت براحي
بكره شمس نهارنا تطلع
والربيع نسمع نِدَاه
