** طفــــــــح الكيل ***بقلم الشاعر ياسر مرسي

** طفــــــــح الكيل ***
صوتي اليوم صوت مــــش عادي
سامحوني مش ح يكـــــــون هادي
صوتي اليوم صرخة عاليه بتنادي
بتنادي على أخواتي . 
على أصحابي
على ولادي
بتنادي كل حرموجود هنا قصادي
.
صوتي اليوم نبرة آلم
كتبها على السطر قلم
نبرة وجع نارها حمم
من مصــر لكل الأمم
للي فجر جواي اللغم
للي سامع صوتى وكأنه
*** صــــــــنم ***
للخسيس اللي حقده
جواه .. نار على علم
.
صوتي النهاردة طلـــــقة أستثنائية
لما غــــــار المكر بالغدر عليا
كان لابد يكون لي وقفة غيرعادية
وقفة حر .حر مصري. مش هيفيه
مستحيل يكون للخســة ضحــــــية
وهــــــنا القضية ..
ح أبتديها بالتحية
.
لروح كل شهيد سال دمه
لكل مصـــــري قدم نفسه
للوطن فـــــــــدا ولا همه
لكل رصاصة غدر قتلت
الفرحة بصــدر أمــــــــه
نالت بوضاعتها من أخوه
قتلت أبنه وياجاره وعمه
.. وكونى مصــري ..
مصري حر من دمه
ح أقولها عــــــــــنه
.
.. لكل أرهابي خســيس ..
أوعاك تفتكرتنى رخيص
ولا يهيأ لك شيطانــــــك
إن اللى مات راح فطيس
آياك ويـا أعوانك تهيص
.
…… تاري …….
أنا ما بفرطش فيــــــه
وكلامي بكل حرف والله
…. أعنـــــــــيه ….
ومش ح داري ناري
قبل تاري فأخويا ما بخدش
..أنا كف عزا فيــــــــه..
.
مـــش بهرتل ولا بهــــول
أفتكر كلامى تاني م الأول
ومش ح أزود ولا أطــول
بس يوم ما أخـــد بتاري
أبقي أفتكرنى عمـــــــنول
دا المصري مصـــــري
وعمرة ما بيـــــوم يتحول
بقلمي / ياسر مرسي