عن عقوق الأبناء لوالديهم كتبت
علمتك دروس الحياة … بالشعبي
يالشلتك جوه العين
حتى العين رُمدن
وما انتظرت
اتوفي الدين لُمن تتمكن
ديني حنان وعطف
من اصير ابتالي العمر
هي مو مصلحة
وبيها تتفنن
كُبرت كَدامي
ويا فرحتي بيك
من تكبر
وعلمتك دروس الحياة
وبيها تتمعن
وغلطت وياي مره
واعتذرت وكتلك سماح
ونزلت ادموعي
وجني غريب واتمسكن
ومرت الايام
واخذ من راحتي وانطيك
تمر ولا سلام ولا كلام
من يمك اجن
طلعت الدنيا مصلحة
حتى ويالاهل
ونسينه الدين
وجم سورة
بمعاشرتهم نزلن
الكل اذا راح الابن
والزوجه والبنت
لكن الاخ والام
والابو اذا راحوا
اشلون يتعوضن
مهما اكبرت تبقى
بسنين العمر فارق
وتصير اب وابنك
هم يخلي دموعك ينزلن
لان هو ديَن ونشيله
ويانه طول العمر
بس ياهو اليتعض
ولباقي العمر يضمن
بقلمي حسان ألأمين
