خطت بحرف جوه القصيده
ومالت عيونها تهدي السلام
وكتبت ياما كتير كلام
بين الحروف عشق وغرام
قالت كمان
قولت انا فينك من زمان
قالت عيونك سود
قولت القمر ساكن سواد الليل
قالت حزين
قولت انا ومنين اجيب الفرح يسكني
قالت قريب
قولت فينه من زمان غايب عني
قالت وبعدين معاك
طبعك غريب وعيونك مشاغلني
قولت انا
قالت ايوه اصلك قريب من العين والنني
مش قولتلك
انك مشاغلني وحروفك بالغرام تغازلني
قالتلي قرب
قولت خايف ل في يوم تغيبي وتبعدي
وتسيبي قلبي
في حضن شوقك وتغربي
سكتت عيونها
وخطت من البدايه جوه القصده
حرفين في سطر
وقالتلي
خطي بين الحروف لتحس شوقي
بيحضنك وسط السطور
قولت ياه
معقول اخطي بصفحتك وانا قلمي
في ايديكي
وعيوني تنظر للحروف وقلبي لعينيكي
بيدق دقه للضلوع
ودقه للهوا من شوقه ليكي
قالت غزل
العيون شوقه يفوق الحروف بكتير
وانا قلبي
لساه عليل بيخطي لبحورك
افرد شراعك
للهوا ورسينا بقلوعك
وضم ضمة حبيب
للقلب بضلوعك
تنسي الهموم والحزن
وتفضل كده في طوعي
قولتلها ابنك صغير انا
قالتلي ايوه ولساك بتحبي
بضلوعي
ضحكة عيوني
وسكتت حروفي قبل ما تكمل القصيده
بقلم الشاعر : حسن حلمى
.5/ 3/ 2020
