كرهت حبك
مامبقاش ليك ذكرى عندى
ولا بشغل روحى بيك
وخلاص خلص اللى عندى
ولا شئ بقى فيا ليك
غير جرح فى قلبى سبتو
. وماجبتش مره سيرتو
وكتير كتير خسرتو.
أنا حسبى ربى فيك
ورتنى ايام عذابى
كل لحظه فيها موت
خلتنى كرهت حبك
وكرهت الحب موت
وانسيتك غصب عنى
وكرهتك مش بخاطرى
واساك عود فى قلبى
يقدر عالشوق يخطى
ولا افكر لحظه فيك
ميت جرح وراك داويتو
وغرامى معاك نسيتو
والظلم اللى اتظلمتو
سامحتك فيه وياريتك
تنسى إن عنيك شافتنى
ولا تنطق مره اسمى
على لسانك ياريتك
اللى انت فى يوم عرفتو
مش فاضل حاجه فيه
غير قلب اتهان كسرتو
وعمال يلم فيه
اتغير إلا اسمو
وساعات بينسى فيه
عشانك يوم نطقتو
وناديتلو مره بيه
مستنى ايه تلاقى
بعد اللى عملتو فيه
افضل بعيد وساكت
ماتجبش سيره ماتت
وتقول مين كان سببها
وتصحى فى جرح ساكن
جرحتو زمان بايديك
خليك ذى ماانتا عايش
مرتاح وسبنى عايش
باللى انت سايبنى فيه
ندمان على كل لحظه
قضيتها فى حبى ليك
وحاسبها عليا غلطه
وتمنها بسد فيه
وخسرت معاها قلبى
مش لاقى نبض فيه
مامبقاش ليك ذكرى عندى
ولا بشغل روحى بيك … علي دياب محمد . عاميه مصريه
من ديوانى بالحلال
