كروانة
٠٠٠٠٠
بيني وبين حبايبي فراق وخصام
بيني وبين حبايبي اشواق ألف عام
ياكروانة قلبي ليه بتشجي الآلام
وانا جواية من الحرمان زحام
وقلبي قدامك طفل رضيع
بيحبي ف ايامك ليه يضيع
وف جنون غرامك بيتعلم الكلام
ليه الفراق ليه الخصام
غصب عني مش ب ايدي
لسه عايشة ف وريدي
لسه بذرة حلمي وتنهيدي
لسه فرحة عمري وعيدي
ولسه بحلم والحلم بعيد
والنار ف الروح بتقيد
عايزة ايه مني يا ام قلب عنيد
اكتر من الحيرة و اللهفة والتنهيد
ايه تاني يقرب البعيد
ايه تاني يحقق الأحلام
جواية من الحرمان زحام
ليه الفراق ليه الخصام
يابنت القمر ياشبيهة روحي
عشقك قدر ليه غاوية جروحي
ليه قلبك حجر ليه مانعة المطر
يا كروانة ع الشجر انتي زهرة بوحي
انتي اول واخر حب ف الايام
وجوايه من الحرمان زحام
ليه الفراق ليه الخصام
اللي زينا ماشفش يوم سهل ف حياته
اللي زينا مابيخفش غير من الغدر وذلاته
اللي زينا مش هايحس براحة يوم
غير لما التراب يحضن دقاته
بلاش تكوني زي الشوارع زي السكوت
بلاش تكوني بقلب بايع ب الغدر منحوت
قلبي من حرمانك بيصارع الموت
وف العالم الاخر عايش مع الأوهام
وانا جواية من الحرمان زحام
ليه الفراق ليه الخصام
كروانة
بقلم علي عبدالرحيم محمد
