((( كلب حراسه )))
عايش فيها أسد
ولا أخرك كلب حراسه
عيشتك فيها منظره
ومعمر مسدسك رصاصه
فاكر نفسك فهلوى
وفارض نفسك على الساحه
وكلك جرأه وحماسه
بتغرف منها بطبق دهب
وبتمسح شفايفك بمصاصه
أيدك مشدوده على الزناد
وحسادك فى نظرك أوغاد
حواليك مولد وزفه
وبتصرف بالزوفه والكفه
بتتدعى البسمه والخفه
بترقص على الحبال أرجوز
وممكن تقطع حبال الموده غلاسه
محتاج تربى لنفسك كلب حراسه
تتحامى فيه ويهبش اللى يتجرأ عليك
ويسن نابه على اللى يعصى أوامر جنابك
ولو فى يوم أتسعر وجاه الدور عليك
ملوش عندك غير رصاصه
وهو فى نظرك أيه غير كلب حراسه
مخلص لسيده ولما فى يوم عرضه
حط أيده على الزناد وضربه وعجبى!!!
كلمات/محمودصلاح السيد ٢٥/٨/٢٠١٨
