كيلو الفراخ
محمد ضباشه
كيلو الفراخ هَجَّص وباخ
خلى المناخ مش سكري
حتى اللى باقي فينا ناخ
والعقل داخ م الكمسري
اللي يزود ع المتاح
فوق الجنية ميت عسكري
ما يرحموا كل اللى ساخ
من كل جاشع مفتري
خلى بغشم غضبنا تاخ
ينده على سيدنا الولي
الحال صبح سداح مداح
مافيه فلاح راح ينجلي
والشعب فرفر م النواح
ما عاد حداه شئ يتغلي
حتى اللى متعشم براح
أن المرار راح يتحلي
باع الأمل ويا اللى راح
واحتار بأيه فيك يشتري
