(لا..)
مش هاقطَّع هِدمِتي
ولا يوم ها اعيط ع اللي فات
إنت خليت الثواني زي دهر
م المشاكسةوالمعاكسة وانعكاس فيك الطريق
إنت ما حسيت بعجزي وقت ضيقة
أو حسيت بمرضى وقت عوزة
كنت حيطة كل يوم بيفوت بشوفها
راح ها تنهَد عليَّه
وان داري رغم إني
حصَّنتُها بربي وتقوى
مش هاتنجو م الحريق
إنت وقت ما احتاجك لضمة
يختفي مني خوفي
أتلاقيك نافر و طارد
لقارة القطب الجنوبي
و الشمالي
والغروب
فاكر إني
هاافضل أعد
ف نجوم الليل وبربش
واللي بيعدي يشوفني إني هايم
لا ورب الكون هااغيَّر
عتبة بعد عتبة
ولما جرهم ييجي يشرب
هافتح الزير واسيبه
يطفي عطشه
وامنحه الأمان يعيش
لا ورب الكائنات
مش هااضل
إني هااكره كل بنت
إنت حالة زي عاصفة وسط بحر
رغم إن البحر هادي
والسفن بتحب تعبر
منه لشط
زي احلام الصبايا
إنت مش نجفة ف سقفي
إنت ما قدرت لحظة
لهفي
عمري راح اعيشه بغيرك
ألف عمر
يكفي إني
ألف فرصة منحتها تعرفني لكن
كنت جاحد
كنت برا دايرتي
كل ما عدِّيته بعدك
َيَمكن ينسِّى
اوجاعي الكبيرة وحسرتي
الشاعر وحيد راغب
