للأسف
سوق الضمائر إذدهر
وفيه إنتعاش
وفى أدنى نقطة سجلت
أسعار بلاش
بدينار بدرهم تشترى
تحويل ياكاش
وأسهم الأخلاق هوت
وفى انكماش
الكل بعد ما خسرت
ما خلهاش
والذمة ماتت وإختفت
والكل داس
الكل م الكل إستوى
ومن بعض خاف
تعبت قلوبنا من الآسى
ومسمناش
وكأن عيشنا اللى إتآكل
كان ناقصو ملح وماستواش
مبقاش فى حد
لحد بيبلع الزلط
مبقاش فى حد
يقول داعيب وداغلط
عقد المبادئ والأصول
مقطوع وعالأرض إتفرط
والكل عاكس الإتجاه
من أجل يوصل لو غلط
غيرنا منهج الحياه
والدنيا بينا إدهورت
زارعين فدادين عداوه
طرحت غل وحسد
خلت فى قلوبنا طينه
والكل ضم وحصد
آسافيلنا منا فينا
ومشاكل بينا هيله
ونقاوح فى الغلط
بطولات من الدناوة
وجروح بقت نقاوه
وتلاكيك وبالعبط
ولا حد على حد باقى
والعيبه تعدى عادى
ولا حد بينكسف
العشره بينا هانت
وقلوبنا فينا ماتت
دى حقيقه وللآسف. /للآسف .على دياب .عاميه مصريه
