محمد نبينا
بقلمي… فاطمة محمد محمود
بذكر الله والصلاة على محمد نبينا
قلبي دق دقه
وبكل شوق وحنين ورقه أتمنينا
في قرب الرسول حبينا صلاة
وزيارة بيت الله أغلى أمانينا
نروح ونشوف بعنينا
ونلمس توبه بأيدينا
ومن نوره نملي عنينا
وندعي الله ونقول
يارب أكتبها لأهالينا
وولادنا كمان بعدينا
ومن مية زمزم تسقينا
وعلى عرفات نجري
ونقف ونرفع أيادينا
ورفعنا للسما نظرنا وطلينا
وبكل شوق وحنين دعينا
وقلنا يارب أهدينا
وأهدي أحبابنا وأهلينا
وأحمي أحفادنا دول ضي عنينا
ونزلنا دموع وقلنا يارب
أدينا العمر وأكتبها كمان مره لينا
وأحمي بلادنا والأمن والأمان أعطينا
ومشينا والخطوة
تقيله على رجلينا
ليه يا وقت بتجري بيننا
ملحقناش نملي عنينا
يارب أغفر لينا
ولجميع المسلمينا
