مستحيل
٠٠٠٠٠٠٠
عنيك بتقول مواويل
وكلام عن الفراق كتير
سامعها وحاسسها وشايفها
ف الوحدة والحيرة أه والغيرة
حتى ف صوصوة العصافير
غير عشقك مش لاقي بديل
رودي علية وعلى القلب العليل
مستحيل تكوني انسيا مستحيل
طول عمرنا بنسمع
عن مس الجان للأنسان
وطول عمرنا بندمع
لما بنشوف شارد العقل
وهو لأبس توب الأحزان
ماشوفناش أبدا ف الدنيا
مس روح انسان ل انسان
وروحك مستني اه دوبتني
جننتني غربتني عن الأمان
وعايشة ف كل نبض فيا
ايه ذنب قلبي وذنب ليالية
رودي عليه وعلى القلب العليل
مستحيل تكوني انسيا مستحيل
ليه غاوية تزرعيني مع النجمة التايهة
واشوف روحي ب عيني ف روحك تايهه
ليه غاويه تغزليلي كل سنيني
خيوط ل افكار ليلى ويزيد حنيني
وتتكحلي من الشوق اللي ماليني
وتلفي ضفايرك ب كل الحب والحنان اللي بيا
ايه ذنب روحي وذنب ليالية
زادت جروحي رودي عليه
وعلى القلب العليل
غير عشقك مش لاقي بديل
مستحيل ابدا ابدا ابدا
تكوني انسيا مستحيل
مستحيل
بقلم علي عبدالرحيم محمد
