مصر
====
انا مصرية وافتخر
بأني عايشة وناشئة
في مصر
انا مصرية عربية
أصيلة وصابرة وأبية
جمالي من سمار ليلها
وشعري ليل يغنيلها
عيوني واسعة بخضارها
وقلبي في بياض دارها
على شطك بقول مواويل
وبترابك بحني إيديا
مهي مصر عروسة النيل
و كل شبر غالي عليا
يا مصر يا امى يا حبيبة
يا طيبة وكلك هيبة
إنت الأمان لولادك
وجوة العين يحطوكى
محمية من عين حسادك
يا ورد غنى على عودي
يا مصر يا امى يا عظيمة
يا شايلة همى يا كريمة
فيكى الدفا وفيكي الأمان
وقالها ربنا في القرآن
لاخوات يوسف ادخله بسلام
على أرضها من المحفوظين
ده سينا فيها جبل الطور
مكان مبارك وكله نور
مصر مهبط الأنبياء
الكل عدا عليها وداس
وتمالى انا عايشة في خيرها
مهما قالوا عليها الناس
من يومها مصر عزيزة وغالية
وبين العالم في مكانة عاليه
مصر دي اسم له شنة ورنة
مصر دي نعمة مصر دي جنة
مصر تاريخ مش بس كلام
مصر بلاد ولا في الأحلام
فيها الناس طيبه وجميلة
فيها اللمة ويا العيلة
فيها شهامة وجدعنة ورجولة
فيها الناس حاجه مش معقوله
فيها حاجات عمر ما هتشوفها
إلا في مصر وفى ناس مصر
ناس غلبانة ناس شبعانة
ناس بتخاف على بعض كتير
ناس بتحب الخير للغير
ناس بتصون ولا عمر تخون
ولما بتدي بتدي كتير
الست فيها بمليون راجل
في ظهر جوزها شايلة كتير
اما الراجل فيكي يا مصر
ده مالوش وصف ولا حتى مثيل
يتقال فيه مليون مواويل
وأصغر طفل فيكي يا بلدي
يعلم جيش ايه معنى النيل
بلدي جميلة مالهاش زي
بلدي حبيبتي دي هي الضي
مصر يا تاج مرفوع على راسي
مصر يا أهلى يا بلدي وناسي
مهما اتغرب عنك يوم
مش هعرف أعيش
مهما اتغرب عنك انا
غيرك وماليش
اصل في ناس جوم وقالولى
ابعد لو عوزت تاكل عيش
سافرت معاهم وشوفت الويل
شوفت ذليل بيقل بنفسه
علشان ياخد حبة دولارات
شوفت الناس بتبيع في ضميرها
علشان يوم تكون بهاوات
شوفت ام حضنة ولدها
وباعلى صوت بتقول اه يا ولدى
حد يغتني حد يجرني
ابنى ضنايا تعبان بيموت
ايه ده يا ربي يانا يا غلبي
كله مطنش كله قوام عمال بيفوت
حد يجي قوام يلحقني
ولا ناس شايفة ولا ناس سامعة
انا ايه خلانى اسيب بلدي
آه يا حبيبتي يا مصر يا امي
لو ده في بلدي ما هشيل همي
ناسي واهلى جيرانى وعمي
اخويا وسندي ابويا وأمي
شوفت كتير وكتير اه يا بلدي
بس ماشوفتش زيك مصر
فيكي الطيبة وكلك هيبة
وهتفضلي ست كل عصر
ومهما اغيب انا لازم هرجع
اصل البعد تملى بيوجع
كلمة وقالها كل مهاجر
انا من غير مصر ماليش اصل
وحتى السواح لما بيجوا
بيقولوا مصر هبة العصر
والله يا بلدي يا فخري ومجدي
لو أطول لاغنيلك كل يوم موال
واكتب شعر في سمار ليلك
واقول اللي يوم ما تقال
دانتي حبيبتى وامي وبنتي
إنتي حديقتي إنت مدنتي
يا بياعين الغناوي ادوني غنيوة
أهديها لأم العيون السودة وكحيلة
دي على أرضها انا الدلوعة والحيلة
طولت ضفيري هنا في البلد ديا
والله ان عداكي حدا مالهوش هنا ديا
يأم السبايك دهب يا أصيلة يا أبية
مصرية أنا وافتخر والاسم عربية
فداكي انا يا بلد يا نيل ببجري في وريدي
اموت وتعيشي إنتي وافديكي بوليدى
يا بلدي يا غالية ده هناكي يوم عيدي
محروسه من كل عين يا مصر يا حرة
يا مصر يا جوهرة مكنونة يا درة
الله يصونك يا بلدي يا محجلة وغرة
يا رب احفظ بلادي طول الزمان درة
:
٢٠١٩/١٢/٢٩
