معرفه طين
كل ما ابعد عنكو تيجو
تزيدوا كوم البله طين
دا إنتو عايزين ليكوحاوي
ماركه شر وشياطين
أصفى واحد فيكم منكم
بالف وش وكدابين
ان ضحكتو لحد ضحكه
لمصلحتكم مغلوبين
انتو توكيل غش وش
وبالاونطه معروفين
في النداله كعب عالي
ومش بيتمر الجميل
مش بشوفكو بعيني حاجه
مهما كنتم معدومين
انتو عندي في عندي صفر
مش بيفرق في حساباتي
انتم اسوء شيء عرفتو
وغلطه قابلتني في حياتي
وبناقصها معرفتكم
يا وش نعلو مملي طين
دا أنتو مهما عليتوا واطي
ومن اساسكم معروفين
انتو طفش وكسر تالف
مهما تكرم فيه لئيم
وبنقصها اقول واهاتى
فى شر خلق ومكروهين
عضوا إيدي اتمدتلهم
وقت ضيقه ومحتاجين
كل واحد كان عارفكم
إيه قديمكو تكرهوه
ما انتم شبعه بعد جوعه
وكل حلوى بتنكروه
دا إللى مربوط جنب بيتى
أوفى منكو ياغدارين
نفسى أنسى معرفتكم
معرفتكم سودا طين … عاميه مصريه .على دياب
