…. من قبلي ….
ياواخد قلبي ومبحر وبيه
عديت
علي قبلي ومن قبله عليه
ناديت
بصوت العشق وسمعته
فقولت ياريت
اكون العمر ليك شمعة
وتكونلي بيت
دخلت بحر الهوى وقولت
خطي وعديت
ولما نزلت لقيته غريق
قومت اتخضيت
مديت ايديه وصرخت
وليك إترجيت
ترحم قلبي من الغرق
رديت ياريت
علقت قلبي بحبال ومنها
ما نجيت
وقولت حظي اتعدل لكن
مريت
على عذاب وألم وانت
ما دريت
فى البعد قلبي انكوي
ومنه بكيت
طول عمري قافله بابي
وللحب صديت
ولما انفتح ع قبلى وعليه
مريت
شوفت شهامة الجدع وزيه
ما رأيت
يعنى رجوله ومبدأ وذايع عنه
الصيت
هيبة ومكانة ومحترم راجل
ف البيت
ابن اصول متربي وليه أنا
حنيت
مر عليه كثير وغيره ما
هويت
خطف قلبي منى ولعمره انا
فديت
سحرنى بحنية قلبه وبعده ما
دريت
اقول ابعد بلاها عذاب يرد
قلبي حبيت
اشوفه يتبدل حالي وفي
حبه طبيت
سحر رجولة وشهم وبإسمه
غنيت
ومن جمال صوته ع النبي
صليت
قولت بلاها بعاد وتعالي
لابويا البيت
رد بكل ادب فاكر وعمري
ما نسيت
انتى عندى شرف وللشرف
اشتريت
ام عيالي وعرضي وبعمري
فديت
الشاعرة
ايمان عبدالله والى
