امسيات الحسن. . 10/ 6/ 2021
( موال الحكاوى )
بقلم الشاعر : حسن حلمى
لكل موال حكايه
وانا
حكايتى مالها نهايه
عشقت الغيمه
والضلمه
ونجمه بالسما طله
وكانه الشوق
يدق الباب
وشباك الهوا غلاب
عشقت احباب
وكانو
بالحكاوي اصحاب
ووقت الفعل
ما تلاقى
ولا واحد يدق الباب
رمينا الهم
ونسينا
وقولنا دا الهوا غلاب
مسير الحى
يتلاقى
ويطلب ليله تانى وصال
نقوله كفايه
الاعيبك
وزيك عمره ما ينصان
حكايه وراحت
لحالها
وموالها ما جاله اوان
راح احكيلك
يادوب سطرين
لتقرء الحرف بعيونك
وتتندم على
اللى فات
وتتمنى ليوم القاك
حكيتك غنوه
بالموال
وكان مقسومها بضلوعى
وشقيت القلب
بالحال
لتسكن جوه وبطوعى
انا عليت
بمبنى البيت
سبع تدوار وعزيتك
وكانك خي
من صلبى
وسكنتك بباب بيتك
رسمتك ضله
لخيالى
لشوف صورتى بتتبسم
وما دريت
انك شقا
حالى لطول العمر بتندم
وكله بدفتر
الاحوال
وهى مسيرها هتتبدل
وصدقنى ما
دامت يوم
غيمه بالسحابه تطول
واهو كله
بيتبدل
مسير الحى يتلاقى وتتعدل
بقلم الشاعر : حسن حلمى
