ميرسي يادنيا
ميرسي يادنيا ع الضحكة
والله الضحكة كانت غالية
ونبض القلب كان ف سكون
وحالته قوي حالة صعبة
كان ماشي في قلب سكة
عذاب وعيون دامعة
وفكر وليل طويل طويل
وأيام بتعدي لكن ضايعة
وفجأة لقيته بيدق
فرحان وسعيد بحق
ماقدرت أأقوله لأ
الفرح طعمه حلو
الحب طعمه حلو
والدقة فيه بألف دقة
والليالي الحلوة فيه
بتمر زي ماتكون ثانية
أفرح ياقلبي وعيش
وأنسى كل إللي فات
وأكتب أحلا ذكرى
تعيش ماتتنسيش
وخلي قلبك ربيع
طرحه ورد بديع
وإملا الدنيا ضحكة
وللحب تعالى وهات
كلمات . محمود صلاح
