قصيدة/هات العيديه
بقلمي/نيفار أحمد عبد الرحمن
🎁🎁🎁🎁🎁🎁🎁🎁
ايه اللي يمنع
انك انت تجيب عيديه
عوزة منك كام دولار
ورقة خضرة من اُم ميّه
ولا اقلك جيب هدية
تكون دهب بس اللي هيه
حاجه خاصه بيا وحدي
مفتخر تبقي عيديه
منك انت ايه حاجه
حلوه ليّه
شوف مقامي غالي عندك
ولا حبك تمثليه
ولا مستخسر تجيبلي
اي حاجه تكون تحيه
تبقي واقعه سوده بنا
راح يكون فيها قضيه
استعد وهات محامي
دي المحاكمه لسه جايه
والسبب فيها امتناعك
عن اداء حق العيديه
مش بعيد إعدام تلاقي
دي الجريمة دي غبيه
الامتناع عن حق قاصر
من حصولها ع العيديه
اوعي يوم أنك تفكر
إني ابقي ليك ضحيه
ولا تاكل مني حقي
ولا ابقي ليك هفيّه
مستحيل انك هتهرب
من حقوق المسؤوليه
خلي بالك مني يا بني
ممكن ابقي مفتريه
واقتلك
واخد العيديه
يلا مد ايديك في جيبك
وادفع الرزمة الذكيه
عاوزه احس بدفئ حبك
لما ابقي بيك غنيه
اوعي تتاخر عليا
هات اوام يلا العيديه
بقلمي/نيفار أحمد عبد الرحمن
