هستنى
هستنى الضلمة تبقى نور
هستنى الحب يملا بحور
هستنى حلم يهد السور
هستنى قلبى يبقى جسور
وهستنى امل واقف على الباب
هستنى لمة الاحباب
هستنى ورده جوه كتاب
هستنى حقيقة تنهى سراب
وهستنى بكرة يبقى احلى
هستنى يأسى يبقى ماضى
هستنى حزنى يمشى عادى
هستنى واصلب طولى تانى
وهستنى فرحة وسط صحبة
هستنى يوم مليان بضحكة
هستنى شمعة تهزم ضلمة
هستنى حزنى يقلب فرحة
وهستنى تانى امشى المشاوير
هستنى قلبى يرفرف ويطير
وهستنى واملى فى رب الكون
اعيش ايامى واحلم واكون
