((وهم الصداقه))
يابحر المحبه
بإسم الصداقه
حرام عليك
قولي ليه
الغدر فيك
رغم موتي
وحبي ليك
ليه جفيت
هو جفا
ولا قطعيه
دعت عليك
ليه فى بطنك
غدر شايله
قولي ليه
حقدك ماليك
قولي ليه
الخير ناسيك
الكل قاعد
فوق رمالك
يتحسسك
فاكرك حرير
أصل اللي نفسه
يرتوي منك ضرير
سمع الخرير
ما شاف غباوة قسوتك
وحقد مترسب
فى طين
وموج حقير
يخبط فى شط حجر
والناس كتير
متوسمين
فيك الصفا
مايعرفوش
من كتر غدرك
إن غدرك
فوقك طفى
مات الوفا
جوا البطون
بطون حيتان
متولفه
يابحر هدي
كفايا مرض
اسمه صديق
تشهد رمالك
إني كنت
أوفى رفيق
تشهد عليا غفلتي
إنى لسه
يادوب بفوق
يا ٧٠٠ مليون وجع
منهم نفس
عمال يضيق
منهم خيانه
وقطاع طريق
عجبني لون معدنه
واللي غواني
هو البريق
ولما جيت أتحسسه
كنت بغباوتي
فيك غريق
خسرت فيك
كل حاجه
خسرت الرفيق
ضليت طريق
وعمر فات
مكتوب فى كتاب الذكريات
يحب يوم
ويلبس كمامة
من سكات
أصل الصفا
يابحر فيك
أوانه فات
وعم الأصول
من كتر السكات
ضميره مات
خلاص يابحر
كفايا منك
كوم وجع
ولو موجك رجع
يبقا ساعتها
يزيل معاه
كل الوجع
دا الشعر شاب
م الفكر فيك
ومن كتر الفجع
٣٠/١٢/٢٠٢١
