يادنيا متشكرين
وأخيرا يادنيا ضحكتى
ومسحت دمع القلب
وبألوان الطيف رسمتي
أحلا وأجمل حب
قلبي فرحان وسعيد
كطفل يوم العيد
لابس لبس جديد
طاير في السما
شايل ورود بالإيد
يا دنيا متشكرين
جميلك ع الراس والعين
فرحتي قلبي الحزين
حررتي قلبي السجين
م الألم والأنين
وعيشتي قلبي فرح
ماعاشه من سنين
الحب رزق حقيقي
لا بإيدك ولا بإيدي
اول مايقول ياحب
السعد ياقلبي ياعين
كلماتى : محمود صلاح
