يانسيم الصباح للشاعر والأديب الدكتور //محمد ضباشه //مصر🇪🇬

يا نسيم الصبح هات لي
ويا قلبك عين تشوف
قلب ويا اشواقى فات لي
نبض يشكي الحب خوف
واوعى تنسى تجيب لحيرتي
م الهوى كفين حياه
يكتبوا ع الرمش سيرتي
فالتقاه طوق النجاه
يعزف الباقى فى حكايتى
ع القانون مش ع الظروف
وانت رايح للأحبة
عدى خد منى السلام
وابدره ع القلب يطرح
فى الفضا انغام كلام
واساله عن حبى يمكن
يفتكر عش الحمام
وان فيه القلب صاحي
يدى لعينيك التمام