دنيا مصالح
دنيا مصالح وكله
معاهابيتصالح
هو ده حال الانسان
وقت الشده على اصله يبان
عشان مصلحته
تلاقيه حبيب ليك
وعلى طول يجي عليك
اخويا وصاحبي وحبيبي
وانت يا ابن الأصول
ما بتلف ولابدور
اللي معاك مش ليك
وما تبخل بيه
الله يرحم والديك
زرعوا فيك الحنيه
ماشي في نور الله
بسلامة نيه
وايد سخيه
طيبة قلبك بطمعهم فيك
ولا عملت حساب لغدر
الزمان واما الايام تدور
ويجي عليك الدور
يا ابن الأصول الكل يهرب منك
ما تلاقي ولا واحد جمبك
يصون العشره
ولا يسأل مر عليك
وكان عامل نفسه بيحبك
الموازين اتقلبت
والمعادله اختلت
تلقيهم على طول يشمتو فيك
وما ينفعوك
على قد ما يضروك
وتربس الباب عليك
وتعيش في سجن
والزمن سجان
ويفيد بإيه الندم
خلاص ما عدش ينفع
نصيحه مني يا خال
ارمي حمولك على الله
هتعيش مرتاح البال
ولاتنسى قول الله تعالى
(( وعزتي وجلالي لأنصرنك ولو بعد حين ))
بقلمي….فاطمةمحمدمحمود.
