المريض!
فالدنيا أنا عشت وجرّبت
بكيت جريت ونكروا حساني
نضحك ننسى بعدنحاربت
غير المرض حمل ثقيل جاني
كلّ علّة تحي والا ماقتلت
مرض السرطان ياربي اشقاني
زلزال معاناة فالدار سكنت
جمرة في الكفّ لهيبها كواني
تغاشيت نهار الخبر سمعت
وفالكبدة مكاه الي عزّاني
شوّية متّ وعلاجالك عشت
في سبيطار بلادي مكاه هاني
تنذّل تمرمد تنهان إلا مامت
المرض من ربي هو الي بلاني
في حياتي مرخست ومهنت
والحاجة زماني ليها اداني
نسيت قهر الصّبر وما تعذبت
أنا من حكم العرهودي نعاني
ماتشفع دموع ومهما تقطّعت
ماطلبت الرحمة إلا ملي بلاني
هذي دار بلا وبالهموم تعلّمت
ومهما قاسيت ضميري هااني
قرّاتني الأحزان فيها اتحبست
واتخرّجت بشهايد ما أحلاني
والله منخليك ياضحكي ننمت
هذا حمدي لربّي وهذا إيماني
متحكمش بالعين إذا تكهّنت
واتعلّم الزمان جابني واداني
فالدنيا اتخنت طحت وقمت
ونهار اتبليت قلت ياندماني
ياخسارة ما فرحت ماتمعت
ونسيت الدنيا فيها غير الفاني
ياقلبي ربي يجازيك صبرت
وأنت يا لمريض جزاك الجناني
أستغفر الله هاذ الصباح اكتأبت
شفت هاذ الصورة دمعي سقاني
مثقوب هاذ القلب مهما تجاهلت
سامحوني يا أحبابي واخواني
وردة بوعفار
الجزائر
