كان زمان
سعيد إبراهيم زعلوك
كان زمان..
حب . وحنان
والجرح كان قليل
وحشتني دنيتي
وحشتني قصتي
ووحشني عمري
اللي كان جميل
كان كله ضحك. وفرح
كان خالي من اى جرح
كل اللي فيه كان نبيل
كان خالي من الأسية
كله دفأ. وحنية
وخضرة . وميه. ونيل
وأصحاب على قلبي غاليين
أصحاب جمال حلوين
راحوا معدتش منهم إلا القليل
راح فين خير زمان
والحب اللي بينا كان
ليه الأسى والحرمان
والكل بقى بخيل
يا عمر أرجع تاني
بدل اوام مكاني
ورجعلي زماني
وعمري الجميل
