يا عيني ..يا عيني
( حوارية نثر تعبيري
بالمحكية المصرية)
بقلم ..مرقص إقلاديوس
….
آه يا ويلك يا عين
من اللي تقوله
العين للعين.
ياما يبقى القلب مخبي.
و العين تذيع الأخبار.
و القلب يقول لها،
يا غالية ده سري.
تقول له
زى ما ليك يا حبيبى أسرار.
أنا برضو ليا أسرار.
و ياما يبقى اللسان.
ماسك نفسه بالعافية.
و مش راضي يقر بحبه.
و العين تعتذر عنه
و تقول معلش،،،
أصل كلامنا
لسه لسان صاحبي
مش قده.
و ياما يبقى العقل
لسه بيحسب حساباته.
و العين
تتناسى كل الحسابات.
و تقول له
يا عمنا…
الواحد مننا…بيروحوا يصحوه،
يلاقوه مات.
هتفضل تحسب لإمتى؟!
يا صاحبي.
خلاص أنا أعلنت القرارات.
……
و ساعة الفراق
العقل يقول لها …ما قلنا.
و القلب يقول لها.
..ما كنا صبرنا.
و اللسان يقول مش انا..
.. …ساعتها اتخرسنا.
…..
و آه يا ويلك
يا عين.
من دمعك.. وحدك
. يا عين.
ملاح بحور الحكمة
مرقص إقلاديوس
تعليق
