بنت بنوت
……………
صبية هي
زي القمر ليلة البدر
دايما ًف اكتمال
وشباب زى الفل
من قبلي وبحري
حبوها
وقروا فاتحتها
وخطبوها
ولبسوا الدبل كمان
ولبسوا البدل كمان
سنهم ضاحك
رمشهم عايق
ينام على خيش
وعينه مفتحة…
واقف على الحدود
حارسها …
يبص لها
وهيا بتضحك
ف الوشوش
يقوم في الصبح بدري
يدي التمام ويحي العلم
ويقدم روحه كمان فداء
وناس كتيييييير قوي…..
مش مصدقة
وبتسأل…؟
ازاى بتحبل وتولد
كل يوم …؟
وهي لسة.
بنت بنوت
…………………..
بقلمي // جمعه عبد المنعم يونس //
مصر العربية 16يوليو 2019
