يا مالك قلبي
بقلمي… فاطمة محمد محمود
يا من ملكت قلبي
واحساسي و هبت لك حبي ياأغلى ناسي
وبان عليا غرامي ولا قدرت اخبي
دا أسمك مكتوب على جبيني
صورتك مرسومه في عيني
من يوم ما قابلتك أتغير حالي
مش عارفه ايه اللي جرالي
انا قبل ما اقابلك يا حبيبي
ياما حلمت بيك ليالي
ولا انت كنت بحالي داري
يا حبيبي انا لو هقول حبيتك
ولا هقول بهواك …
مفيش
كلام يوصفلك أحساس عشقي وهيامي
دنا لقيت فيك اللي ما لقيتو في كل الناس….
ولا قبلك ولا بعدك
تاني
ورتني الحياه جنة حبيبي ياللي معاك ارتاح البال
ولقيت معاك الرضا والأمان
من يوم هواك نسيت اسمي وحالي وعنواني
الا انت يا حبيبي دايما
فكراك وشاغل بالي وكياني
حبيبي لما بتوه في بحر عنيك
وأنسى روحي ما بين اديك
ودقات قلبي تنادي عليك
حبيبي حبك هدية من السماء جتني وحققت لي الأماني
انا ليا مين تاني غيرك
روحك بتحس بيا لما تضيق الدنيا عليا ولو بعيد عني اسمع صوتك نغم وألحان
همسك بينسيني حزني وهمي
ويفتح ليا ابواب الفرح والسعادة
من تاني
ويعود ليا الأمل والأماني
حبيبي بروحي بحبك بقلبي بحبك بعيوني بحبك
بكل معاني الحب بحبك…
يامالك فكري ولساني
