ياللي ماشي هناك ….تعالى
خد تكشيره كانت على وشي
سامحني لو خدتها معلشي
مااحنا كمان كلنا عايشين
مع بعض يومنا ومضطرين
نتحمِّل بعض عشان فاهمين
حياتنا رساله ومغزى ودين
م الخالق قالها وبالتفصيل
مشاكلك دي ومشاكلي كمان
تتقسِّم بنا هنبقى تمام
كل ماكان في الامر ياساده
نستحمل سوا هنعيش ف سعاده
صباحك فل وقهوه زياده
كعكه بسكر او حتى ساده
ابدأ يومك خليها عاده
تسعد غيرك تبقى عباده
اخدم محتاج تلقى أمان
البركه تعم من الرحمن
حكمه قالوها اجدادنا زمان
اصرف حته وشيل من مالك
إدعي ،إتمنى ، الرزق يجيلك
بس يديمها المولى عليك
ياللا خلاص قولتلك الفايده
سيبني ورُوح
علشان مش فاضيه
عندي ابتسامات رايحه وجايه
عايزه اوزَّع منها شويه.
بساطك احمدي
مروه الصماد
